Бурабай курорты

Қазақстанның осы бұрышын нағыз табиғат жақұтына айналдырған Көкшенің тұнған табиғатының ғажайып және тартымды өлкесі, керемет ормандары мен емдік көлдері, қылқан аңқыған таза ауасы мен қайталанбас көркем көркі!

Бұл курорт жыл бойы туристер мен елорда тұрғындарын қуана қарсы алады. Қонақтар бұл жерге қаланың күнделікті бірқалыпты өмірінен демалып, жаны мен тәнін тазартып, табиғаттан қуат алуға келеді. Туристер ең көп баратын шыңдар мен таулар - Бұлектау, Синюха тауы және керемет "Оқжетпес" жартасы, олардан Бурабай көлі мен Үлкен Шабақты көлінің керемет көріністері ашылады. Жыл сайын осы көлдер жағасына табиғат аясында серуендеуді ұнататындар келіп, демалу орнын таңдайды.

Келушілердің сүйікті демалу орындарының бірі - әсем стела орнатылған" Абылай хан алаңы". Бурабайда туристі көлдердің, ормандардың, таулардың және басқа да бірегей табиғат ескерткіштерінің көркем суреттері, мысалы, қисық ағаш бұтақтары бар "билейтін" қайың тоғайы қоршайды.

Бұл керемет курорттық жердің табиғаты өзінің пайдасы мен ерекше сұлулығымен қонақтарды-туристерді мәңгі жас және әсем Көкше өлкесіне шақырады. Көкше бізді орман жолдарымен серуендеуге, тауға шығуға және Бурабай көлдерінде жүзуге, емдік қымыз бен бұлақ суын ішуге, таңертең күн сәулесінің шуағына шомып, жүгіруге немесе самал жел ескен орман жолдарымен жүруге шақырады!