Іле өзенінің оң жағалауында немесе Алматыдан солтүстік-шығысқа қарай айғайқұм бар, оны "Әнші құм" деп атайды. Бұл табиғаттың қайталанбас тағы бір кереметі. Жаяу жүріп келе жатқан кезде табаныңыздың астындағы құм тік беткейге қарай сусылдап жылжи бастайды, ал айғайқұмнан шыққан дыбыс ұшақтың шуылына ұқсайды. Құмды таулардың биіктігі 120 м асады және 4 км созылады. Үлкен Қалқан тауларының жоталары арасындағы кең далада мұндай үлкен құм тауының қайдан пайда болғанын ешкім білмейді. Бір қызығы, айғай құм жазық аралап көшіп кетпей, бірнеше мыңжылдықтар бойы орнында тұр. Айғай құмның бірнеше көрнекті шыңдары бар жотасы тау шаңғы спортын сүйетіндерге тау бөктерінен ерекше сезімде сырғанап түсуге мүмкіндік береді. Бұл аймақтың климаты күрт континенталды. Жазда температура көбінесе 40 градустан жоғары көтеріледі.